सुनसरी । नेपाली गीतसंगितमा हाँस्य विधाको क्षेत्रमा एउटा छुट्टै पहिचान प्रस्तुत गरेर आम नेपाली स्रोताहरुको मनजित्न सफल रहेका गायक श्रीकृष्ण लुइटेल (बोकेदारी)ले नयाँ गीत सार्वजनिक गरेका छन् ।
कुनै समयमा ए बा किन्देउन भटभटे, ऐ बिमली, तेरो बाउ थोते, लामिछाने बा, सुनको सिक्री, लगायतका गीतहरुमा जुनमा नेपालमा देखिएका विकृति विसङ्गतीको ठाडो औला उठाएर दर्शक, स्रोताको मन जितेका गायक बोकेदाह्रीको “मेरो घर भुटाई टोल” बोलको गीत सार्वजनिक गरेका छन् ।
गायक बोकेदाह्रीको आफ्नै स्वर र संगीतमा रहेको उक्त गीतमा शब्द एल.एन.गच्छदारको रहेको छ भने दामोदर लिम्बुको एरेन्जमेन्ट रहेको छ ।
पिक रेकर्डीङ्ग स्टुडियोमा रेकर्ड गरिएको उक्त गीतलाई गायक लुइटेलले आफ्नै युटुभ च्यानलबाट बुधबार सार्वजनिक गरेका हुन् ।
उक्त गीत सार्वजनिक भएपछि दर्शक श्रोताहरुको राम्रो माया र सदभाव प्रप्त गरेको र सार्वजनिकको २० घण्टाको अवधिमा साढे २ हजार श्रोताहरुले हेरेर उत्कृष्ठताको प्रतिक्रिया पाइएको बताए ।
गायक बाेकेदाह्रीद्वारा सार्वजनिक गरिएकाे म्युजिक भिडियाे :-
