सुनसरी । बिर्तामोड नगरपालिका–५ स्थितबाट प्रतिबन्धित लागुऔषधसहित २ जनालाई प्रहरीले पक्राउ गरेको छ ।
इलाका प्रहरी कार्यालय अनारमानीबाट खटिएको प्रहरी टोलीले बिशेष सूचनाको आधारमा आइतबार बेलुकाको समयमा WB74B A6779 को भारतीय नम्बरप्लेटको मोटरसाईकललाई रोकेर चेकजाँच गर्ने क्रममा मोटरसाईकल चालक दिलसाद रहमान र पछाडी सवार सन्वाज खानको साथबाट ब्राउन सुगर प्रहरीले बरामद गरेको हो ।
भारत किसनगंज गलगलिया बस्ने २५ बर्षीय रहमान र पछाडि सवार रहेका २० बर्षीय खानका साथबाट ८ ग्राम ५०० मिलि ग्राम ब्राउन सुगर बरामद भएको हो ।
प्रतिबन्धित लागुऔषधसहित पक्राउ परेका दुवैलाई इलाका प्रहरी कार्यालय अनारमनीले पक्राउ गरी थप अनुसन्धान सुरु गरेको छ ।
