सुनसरी । विराटनगर महानगरपालिकाले बजार क्षेत्रको सडकमा पार्किङ गर्न रोक लगाएपश्चात महानगरका व्यापारीहरुले बजार बन्द गरेर उक्त कार्यको विरोध जनाएका छन् ।
महानगरपालिकाले विकल्प नदिई पार्किङ हटाएकोले बजार बन्द गरेर बिरोध गरिएको ब्यापारीहरुको भनाए छ ।
सोमबार मेयर नागेश कोइरालाको निर्णयको विरोध गर्दै व्यापारीले मुख्य बजार पसल बन्द गराएर आन्दोलनमा उत्रिएको खुद्रा व्यापार संघ मोरङका अध्यक्ष सञ्जय मण्डलले बताए ।
महानगरले बजार क्षेत्रमा रहेका खाली जग्गामा पार्किङ बनाउने अभियान सञ्चालन गरिररहेको र हाल मुख्य बजार क्षेत्रमा विकल्प नदिई पार्किङ निषेध गरेपछि आन्दोलनमा उत्रिनु परेको उनले भनाइ छ ।
महानगरपालिकाका प्रमुख नागेश कोइरालालाई विकल्प स्थान प्रदान गरे पश्चात मात्रै पार्किङ हटाउन व्यापारीहरुको मागमा मेयर कोइरालाले भने दुई महिनाको समय मागेका छन् ।
महानगरपालिकाले शनिमन्दिर–जलजलाचोक, शनिमन्दिरदेखि महावीर रोडसम्मको क्षेत्रलाई पनि पार्किङ निषेधित घोषणा गरेको थियो ।
