इटहरी । काठमाडौं वर्ल्ड स्कुलले मोरङको विराटनगरमा शैक्षिक अन्तरक्रिया आयोजना गरेको छ । आइतबार स्कुलका चियरमेन इ.डा. मिथिलेशकुमार झा तथा प्रिन्सिपल केशर बहादुर खुलालको उपस्थितिमा कार्यक्रमको आयोजना गरिएको हो ।
नेपाल टुर अन्तरगत धरानमा आयोजित कार्यक्रममा प्राविधिक तथा जीवनपयोगी शिक्षाका लागि काठमाडौं वर्ल्ड स्कुल विशिष्ट श्रेणीको स्कुल रहेको जानकारी गराइयो ।
प्रिन्सिपल खुलालले शान्त तथा सौहार्दपूर्ण वातावरणमा उत्कृष्ट शिक्षा स्कुलले प्रदान गरिरहेको बताए । उनले वर्षेनि नेपाल वाहिर जाने विद्यार्थीलाई नेपालमै शिक्षा प्रदान गर्न स्थापित स्कुलले गुणस्तरीय शिक्षा प्रदान गरिरहेको बताए । अविभावकले आफ्ना छोराछोरीले सम्पूर्ण कुरा दिइरहेपनि समय दिन नसकिरहेको बताए । गूणस्तरीय शिक्षाका लागि समय महत्वपूर्ण रहेको उल्लेख गर्दै अविभावकले छोराछोरीका लागि समयको व्यवस्थापन गर्न जरुरी रहेको बताए ।
शिक्षालाई उच्चस्तरीय बनाउनका लागि श्रोतसाधनको आवश्यक्ता रहेको उल्लख गर्दै उनले शिक्षकलाई समेत गूणस्तरीय शिक्षा प्रदान गर्न विज्ञताको आवश्यक्ता रहेको बताए । कार्यक्रममा सहभागीले वर्ल्ड स्कुलले नेपालका विद्यार्थी वाहिर जानुपर्ने अवस्थाको अन्त्य गर्ने उद्देश्यले स्थापित स्कुलले आफ्नो उद्देश्य पुरा गर्ने बताए ।
सहभागीले स्कुल जाँदा बोकाइने पुस्तकको भारीलाई कसरी मुक्त गराई विद्यार्थीलाई त्यसबाट हुने असरका बारेमा मुक्त गराउने कुराको जिज्ञासा राखेका थिए । विकशित मुलुकमा शैक्षिक श्रोत साधन नै फरक रहेको उल्लेख गर्दै त्यस प्रकारको श्रोत साधन काठमाण्डौं वर्ल्ड स्कुलमा रहेको बताइएको छ ।
कार्यक्रममा बोल्दै स्कुलका चियरमेन इ.डा.झाले छोटो समयमा नै आफ्नो छुट्टै पहिचान बनाउन सफल स्कुलले आधुनिक, वैज्ञानिक र प्रविधियुक्त शिक्षण पद्धति अपनाइरहेको बताए । स्कुलले तल्लो तहको कक्षादेखि माथिल्लो तहसम्म गुणस्तरीय शिक्षाको ग्यारेन्टी गरेको झाको भनाई छ ।
व्यवहारिक तथा प्रयोगात्मक सिकाइलाई केन्द्रमा राख्दै स्कुलले शुक्रबार झापाको बिर्तामोड तथा शनिबार सुनसरीको धरानमा एजुकेस्नल टुर गरिसकेको छ । स्कुलले देशभरका प्रमुख सहरहरुमा कार्यक्रमको आयोजना गरिने स्कुल प्रशासनले जनाएको छ । सिजि होल्डिङको सहकार्यमा आयोजित कार्यक्रमको सहजीकरण ड्रिम हाई नेपालले गरेको छ । धरान र विराटनगरमा आयोजित कार्यक्रमको मिडिया पार्टनरका रुपमा फलैंचान्यूज डटकम रहेको छ ।
