मोरङ । मोरङको दुई छुट्टाछूट्टै स्थानबाट लागुऔषध ब्राउनसगुर र ट्याब्लेट सहित २ जनालाई प्रहरीले पक्राउ गरेको छ ।
लागुऔषध नियन्त्रण ब्युरो बिराटनगरबाट खटिएको प्रहरी टोलीले शनिबार अपरान्ह बिराटनगर १५ बाट १.१० ग्राम लागुऔषध ब्राउनसुगरसहित इटहरी ४ का ३१ वर्र्षीय किरण मुखियालाई पक्राउ गरेको थियो । सोही स्थानबाट सभापोखरी गाउँपालिका ३ संखुवासभाका २२ वर्षीय सुमन अधिकारीलाई लुपिजेशिक २०एम्पुल, एभिल २० एम्पुल, डाईजेपाम २०एम्पुल, फेनारागन २० एम्पुल र नाईट्राजेपाम १० ट्याप्लेटसहित पक्राउ गरेको हो ।
पक्राउ परेका दुबै जनाको सम्बन्धमा थप अनुसन्धान भइरहेको इलाका प्रहरी कार्यालय रानीले जनाएको छ ।
