झापा । झापाको बाह्रदशी गाउँपालिका ४ स्थितबाट प्रतिबन्धीत लागुऔषध ब्राउनसुगरसहित एक जनालाई प्रहरीले पक्राउ गरेको छ ।
मंगलबार राति साढे १० बजे लागूऔषध किनबेच हुदैछ भन्ने बिशेष सूचनाको आधारमा प्रहरी चौकी फुलबारीबाट खटिएको प्रहरी टोलीले २६ वर्षीय सल्मान आलमलाई निजकै घरबाट ७ ग्राम प्रतिबन्धीत लागुऔषध ब्राउनसुगरसहित नियन्त्रणमा लिएको थियो ।
पक्राउ परेका आलमको सम्बन्धमा इलाका प्रहरी कार्यालय अनारमनीबाट थप अनुसन्धान भइरहेको छ ।
