उदयपुर / उदयपुरको त्रियुगा नगरपालिका ९ गैरुनमा आईतबार दिउँसो मोटरसाईकल र्दुघटना हुँदा एक जनाको ज्यान गएको छ।
मदन भण्डारी राजमार्गअन्तर्गत गाईघाटबाट राजावासतर्फ जाँदै गरेको स ८ प ६६९५ नम्बरको मोटरसाइकल आफैं अनियन्त्रित भएर आइतबार दिउँसो ३:२० बजे दुर्घटनामा परेको हो। जिल्ला प्रहरी कार्यालयका सूचना अधिकारी डीएसपी राजन चापागाईका अनुसार दुर्घटनामा चालक त्रियुगा नगरपालिका ५ देउरीका ३५ वर्षीय इन्द्रदेव चौधरीको ज्यान गएको हो।
दुर्घटनामा गम्भीर घाइते भएका उनको जिल्ला अस्पतालमा उपचारकै क्रममा दिउँसो ४:३० बजे ज्यान गएको उनले बताए। प्रहरीका अनुसार घटनाको थप अनुसन्धान भइरहेको छ।
अनुहार र दाहिने खुट्टामा गम्भीर चोट लाग्नुकासाथै बोल्न नसक्ने अवस्था स्थानीयले उद्धार गरी जिल्ला अस्पताल पठाइएको छ ।
