सुनसरी । बराहक्षेत्र नगरपालिका ५ कालाबन्जारमा रहेको जगन्नाथ डेडराज माध्यमिक विद्यालयबाट २०६१ सालमा एसएलसी दिने विद्यार्थीहरुको समूहले बुधबार स्विटर वितरण गरेको छ ।
बराहक्षेत्र ४ धनपुरीस्थित सरस्वती माध्यमिक विद्यालयमा अध्ययनरत बाल कक्षादेखि ५ कक्षासम्मका विद्यार्थीहरुलाई सो समुहले एक सय जना विद्याथीलाई स्विटर वितरण गरेको उक्त कार्यक्रमका उप संयोजक मातृका दाहालले बताए ।
उक्त विद्यालयमा अध्ययन गर्ने बालबालिकाहरु पुष–माघको कठ्याङग्रीदो जाडोकै कारण विद्यार्थीहरु विद्यालय आउनबाट बन्चित हुन नपरोस् भन्दै उक्त स्विटर बितरण गरेको दाहालले बताए ।
उक्त २०६१ सालको एसएलसी समुहका साथीहरु देशबिदेश तिर छरिएर रहेको साथीहरुलाई सामाजिक संजाल लगायतबाट सम्पर्क गरि सबै साथीहरुको सहयोगबाट उक्त स्विटर वितरण गरेका थिए ।
उक्त समूहले यस्ता कार्यहरु आगामी दिनमा पनि गर्दै जाने दाहालले बताए ।
