बराहक्षेत्र । सुनसरीको बराहक्षेत्र नगरपालिका वडा नम्बर २ चतरा स्थित रेललाईनबाट जंगली जनावर हरिण मारेर ल्याई काटिरहेको अवस्थामा प्रहरीले २ जनालाई पक्राउ गरेको छ ।
शुक्रबार बिहान करिब साढे ६ बजे उनीहरुलाई पक्राउ गरिएको इलाका प्रहरी कार्यालय महेन्द्रनगरका प्रमुख पाण्डव राजवंशीले बताए ।
पक्राउ पर्नेमा बराहक्षेत्र २ रेललाईन बस्ने २५ वर्षीय एसुब राना मगर र सोही स्थानका २५ वर्षीय सागर मगरलाई पक्राउ गरेको पाण्डवले बताए । २५ वर्षीय निरज घिमिरेको घरमा जंगली जनावर हरिण मारी ल्याई काटि रहेको भन्ने खबर प्राप्त हुन साथ उक्त स्थानमा ईलाका प्रहरी कार्यालय महेन्द्रनगरबाट प्र.नि. राजवंशी नेतृत्वकाे टोली गएको थियो ।
सोहि घरमा लुकाई छिपाई राखेको अवस्थामा काटेको मासु १२ के.जि., ३ नाल भरुवा बन्दुक, १०० ग्राम बारुद, एउटा हरिणको टाउको, सिङ्ग समेत बरामद गरेको राजवंशीले जानकारी दिए । उनका अनुसार हतियारसहित नियन्त्रणमा लिई यस विषयमा थप अनुसन्धान भइरहेको छ ।
