इनरुवा । नेपाल पत्रकार महासंघ सुनसरीलाई नवीकरण छुट गरिदिन नेपाल प्रेस युनियन इनरुवा नगरसमितिले आग्रह गरेको छ । नेपाल प्रेस युनियन इनरुवा नगर समितिका संयोजक टोमराज मेहताले कोरोना कहरका कारण कतिपय पत्रकारहरु समेत आर्थिक संकटमा परिरहेको समयमा नवीकरण शुल्क छुटको माग राख्दै आइतबार महासंघलाई ज्ञापन पत्र बुझाएका हुन् ।
नगर संयोजक मेहताले नेपाल पत्रकार महासंघ केन्द्रीय सदस्य इकवाल अहमत मार्फत केन्द्र, प्रदेश सचिव देवेन्द्र कार्की र जिल्ला अध्यक्ष जनकऋषि राईलाई ज्ञापन बुझाउँदै साे आग्रह गरेका हुन् ।
सो ज्ञापन पत्रमा कोरोनाका कारण कतिपय पत्रकारहरुले ज्यान गुमाएको, कतिपय अझै संक्रमित रहेका तथा कतिपय पत्रकारहरुले रोजगारी गुमाएको कारण पत्रकारहरु समेत आर्थिक संकटमा परेकाले नविकरण शुल्क छुटको माग गरेको मेहताले बताए ।
कोरोनाका कारण ज्यान गुमाउने पत्रकारहप्रति श्रद्धाञ्जली, संक्रमितहरुको शीघ्र स्वास्थ्यलाभको कामना समेत ज्ञापन पत्रमा गरिएको छ ।
