सुनसरीको इटहरी उप-महानगरपालिका वडा नम्बर–४ बाट प्रहरीले खैरो हेरोइनसहित एकजनालाई पक्राउ गरेको छ ।
तेह्रथुम घर भएका ३४ वर्षीय दुर्गाबहादुर रसाईलीलाई पक्राउ गरिएको जिल्ला प्रहरी कार्यालय सुनसरीले जनाएको छ ।
आइतबार साँझ पक्राउ परेका रसाईलीको साथबाट प्रहरीले ५३ दशमलव २ ग्राम खैरे हेरोइन, डिजिटल तराजु र ९८ हजार नगद बरामद गरेको छ ।
लागूऔषध नियन्त्रण ब्यूरो शाखा कार्यालय विराटनगर र इलाका प्रहरी कार्यालय इटहरीबाट खटिएको टोलीले रसाईलीलाई पक्रेको हो ।
