बराहक्षेत्र । सुनसरीको बराहक्षेत्र नगरपालिका वार्ड नम्बर २ ले महिला फुटबल खेलाडीहरुलाई पोत्साहन गर्ने उद्देश्यले जुत्ता हस्तान्तरण गरेको छ । बिहीबार वार्ड कार्यालयले महिला खेलाडीहरुलाई १५ जोर जुत्ता उपलब्ध गराइएको हो ।
राष्ट्रिय तथा अन्तर्राष्ट्रिय स्तरका खेलमा सहभागी भइसकेको बराहक्षेत्रकै माउन्ट एभरेस्ट स्पोर्टिङ क्लबमा नियमित अभ्यास गर्दै आइरहेका खेलाडीहरुलाई जुत्ता प्रदान गरिएको वडाध्यक्ष हरिकृष्ण भट्टराईले बताए ।
क्लबका अध्यक्ष तथा प्रशिक्षक सुर्य तुम्बाहाङ्फेलाई वडाध्यक्ष भट्टराईले बिहिबार जुत्ता हस्तान्तरण गरेका हुन् ।
महिला फुटबल खेलाडी उत्पादनको हवको रुपमा विकास भइरहेको चतरामा वडाले उपलब्ध गराएको जुत्ताले खेलाडीलाई थप पोत्साहन र खेल खेल्न उर्जा मिलेको क्लबका अध्यक्ष तथा प्रशिक्षक तुम्बाहाङ्फेले बताए ।
वडा कार्यलयमा भएको उक्त हस्तान्तरण कार्यक्रममा वडा सचिव गोपाल शर्मा, क्लबक उपाध्यक्ष जितेन्द्र राई, स्थानीय समाजसेवी ज्ञानु लामा, रोशन श्रेष्ठ त्यस्तै राष्ट्रिय यु १५ का खेलाडी मनिषा विष्ट लगाएत खेलाडीको उपस्थिति रहेको थियो ।
