बराहक्षेत्र । सुनसरीको बराहक्षेत्र नगरपालिकाका विभिन्न ठाउँमा यतिबेला मास्क अभियान सञ्चालन गरिएको छ । सरकारले समेत सञ्चालन गरिरहेको मास्क अभियानलाई सफल बनाउन विभिन्न संघसंस्था र स्थानीय युवाहरुले तपाईको मास्क खै ? अभियान सञ्चालन गरेका हुन् ।
अभियानकै क्रममा बराहक्षेत्र नगरपालिकाको विभिन्न चौक बस्तीहरुमा इलाका प्रहरी कार्यालय महेन्द्रनगर, प्रहरी चौकी नडाहा, नडाहामा रहेको एभरेष्ट फुटबल क्लबका खेलाडी र श्री जगन्नाथ डेडराज जनता मा.बि.का फ्यान क्लबका विद्यार्थीहरुले सप्ताह अन्तरगत बुधबार नडाहा चौकमा मास्क वितरण गरेको सन्तोष ओख्राबुले बताए ।
बाटो आउजाउ गर्ने पैदलयात्री मोटरसाइकल यात्री साइकल यात्री लगायतलाई माक्स वितरण गर्दै अनिवार्य माक्स लगाउन समेत सुझाव दिएको ओख्राबुले बताए ।
अहिले देशमा अझै कोरोना संक्रमितहरुको संख्या बढिरहेको बेला नेपाल सरकारले सप्ताहव्यापी रुपमा तपाईंको माक्स खोइ ? अभियान संचालन गरिरहेको छ । अभियानको तेस्रो दिनमा नडाहा चौकमा अभियान अन्तर्गत मास्क वितरण गरिएको हो ।
बराहक्षेत्र नगरपालिका र इलाका प्रहरी कार्यालय महेन्द्रनगर साथै वडा कार्यालयको सहकार्यमा उक्त अभियान संचालन भइरहेको हो ।
