बराहक्षेत्र । किशोरीलाई जबरजस्ती करणी गरेको आरोपमा प्रहरीले बराहक्षेत्रका राजकुमार यादवलाई पक्राउ गरेको छ ।
बराहक्षेत्र नगरपालिका ६ बस्ने २८ वर्षका यादवले एक १६ वर्षीया बालिकालाई प्रलोभनमा पारेर एक होटलमा लगी करणी गरेको आरोपमा प्रहरीले पक्राउ गरेको हो ।
होटलमा लगेर किशोरीलाई जबरजस्ती करणी गरेपछि फरार भएका उनलाई जिल्ला प्रहरी कार्यालय सुनसरीले पक्राउ गरेको एसपी सञ्जयसिंह थापाले जानकारी दिए ।
यादवले इटहरी–६ स्थित सिद्धार्थ होटल एण्ड लजमा लगेर बालिकालाई प्रलोभनमा पारी करणी गरी फरार रहेका थिए ।
यादवलाई मोरङ प्रहरीको सहयोगमा विराटनगर–५ स्थित त्रिमूर्ति चोकबाट पक्राउ गरेको हो । उनलाई जवरजस्ती करणी मुद्दाको अनुसन्धानको लागि हिरासतमा राख्न सुनसरी जिल्ला अदालतबाट दिन ७ को म्याद थप भई थप अनुसन्धान भइरहेको प्रहरीले जनाएको छ ।
यादव नेपाल पिछडा बर्ग (ओबिसी) बराहक्षेत्र नगरपालिका नगर अध्यक्ष समेत रहेका थिए ।
