इटहरी । इटहरी उपमहानगरपालिका २० पानीपियाको जंगल स्थित कोशी राजमार्गमा गाडीको ठक्करबाट मोटरसाइकल सवार एकको मृत्यु भएको छ । अर्का एक घाइते भएका छन् । सोमबार धरानबाट इटहरी आउँदै गरेको प्रदेश १ -०२-००१ ख ८४४५ को सेप्टिट्याङकी जडित गाडीले बिपरित दिशाबाट र्आइरहेको मोटरसाईकललाई ठक्कर दिएको थियो ।
मृत्यु हुनेमा मोटरसाईकल पछाडी सवार रहेका मोरङ विराटनगर १४ भट्टिमोड का १८ वर्षीय सफल राजबंशीको उपचारको क्रममा दिउँसो १ बजे विपी कोइराला स्वास्थ्य विज्ञान प्रतिष्ठान धरानमा मृत्यु भएको थियो । चालक भट्टिमोडकै २२ वर्षीय अभिनाष राजबंशीको सोही अस्पतालमानै उपचार भइरहेको छ ।
दिउँसो पौने १ बजे भएको सो दुर्घटनाको जानकारी पाउन साथ प्रहरी चौकी तरहराबाट प्रहरी टोली खटि गई घाइतेहरुलाई उपचारको लागि पठाएको थियो । दुर्घटना हुँदा मोटरसाईकलमा आगोलागी भइ जलेको हुँदा नम्बर भने तत्काल खुल्न सकेको छैन ।
गाडी र गाडी चालक सुनसरी इटहरी ४ का २८ वर्षीय फुलमान राई प्रहरीको नियन्त्रणमा रहेको छ ।
