रामधुनी । नेपाल सरकारका कानुन, न्याय तथा संसदीय मामिला मन्त्री एवम् सरकारका प्रवक्ता ज्ञानेन्द्रबहादुर कार्कीले शनिबार आफ्नो निर्वाचन क्षेत्रमा करिब ३५ किलोमिटर कालोपत्रे सडक, खानेपानी आयोजना, विद्यालय भवनको शिल्यानास, नवनिर्मित पुलको उद्घाटन गरेका छन् । त्यसैगरी एम्बुलेन्स हस्तान्तरण समेत गरेका छन् ।
सुनसरी क्षेत्र नं ४ बाट निर्वाचित मन्त्री कार्कीले शनिबार रामधुनी नगरपालिका वडा नं ४ बैठारदेखि बराहक्षेत्र नगरपालिका वडा नं ८ को जीतपुरहँुदै बराहक्षेत्र नगरपालिका वडा नं ६ को चक्रघट्टि बजार परिक्रमासहितको १८ कि.मि. कालोपत्रे सडक निर्माणको शिल्यनास गरेका हुन् । त्यस्तै रामधुनी ४ स्थित सेहराखोलादेखि रामधुनी मुल सडकहुँदै रामजानकी मन्दिर, माझी टोल, सिक्दार टोलहुँदै रामधुनी मन्दिरसम्मको करिब ७ किलोमिटर सडक स्तोरोन्नतीको शिल्यनास समेत गरेका छन् ।
रामधुनी ४ स्थित रामधुनी मुल सडकदेखि रामपुरा पथ्थरदेवा, पिडारी मुल नहर जोड्ने करिब ५ किलोमिटर सडकको शिल्यास तथा रामधुनी ४ स्थित मानपुरमा रामधुनी खानेपानी आयोजना शिल्यनास त्यस्तै बराहक्षेत्र ८ गलफडिया स्थित सुनसरी आदारभुत विद्यालयमा भवन, बराहक्षेत्र ८ दोबानमा निर्माण भएको पुलको उद्घाटन गरेका थिए । मन्त्री कार्कीले उनकै पहलमा भारतीय दुतावास मार्फत बराहक्षेत्र ६ आइतबारेमा निर्माण हुने भवनवारे छलफल र बराहक्षेत्र ११ मधुवनमा एम्बुलेन्स समेत हस्तान्तरण गरेका थिए ।
संघीय निर्वाचनमा मन्त्री कार्कीको चुनावी नाराको रुपमा रहेको बैठारदेखि चक्रघट्टिको सडक तथा शिल्यास भएको खानेपानी भवन र अन्य सडकहरु नेपाल सरकार शहरी विकास मन्त्रालय अन्तर्गत शहरी विकास तथा भवन निर्माण विभाग संघीय योजना कार्यान्वयन ईकाई मार्फत निर्माण हुनेछन् । बैठारदेखि चक्रघट्टिसम्मको सडक कालोपत्रे निर्माणको जिम्मेवारी पुष्पाञ्जली तथा जोया ब्रोदर्श निर्माण सेवाले २१ करोडमा लिएका छन् । पहिलो वर्ष ८ किलोमिटर बन्ने सडक अर्को वर्ष बाँकी निर्माण हुनेछ । २१ करोडमा निर्माण हुने ८ किलोमिटर कालोपत्र सडक १५ महिना भित्रमा योजना सम्पन्न गराइसक्नुपर्ने शहरी विकास मन्त्रालय अन्तर्गत शहरी विकास तथा भवन निर्माण बिभाग संघीय योजना कार्यान्वयन ईकाईका निर्देशक कुमार घिमिरेले बताए ।
मन्त्री कार्कीको विशेष पहलमा शहरी विकास तथा भवन निर्माण विभाग संघीय योजना कार्यान्वयन ईकाईको वार्षिक योजनामा सडकको, खानेपानीको योजना परेकाले विशेष महत्त्व दिएर योजना सम्पन्न गरिने निर्देशक निरौलाले बताए । त्यस्तै बराहक्षेत्र ८ को दोबान स्थित सुनसरी खोलामा मन्त्री कार्कीको पहलबाट संघीय योजना अनुसार ६० लाख रुपैयाँमा निर्माण भएको लम्बाइ ४८ मिटर र चोडाई १५० सेमिको पुल कार्कीले उदघाटन गरेका छन् । पुल निर्माण समितिका अध्यक्ष शंकर बस्नेतका अनुसार मन्त्री कार्कीको विशेष पहलबाट पुल निर्माण भएको हो । मन्त्री कार्कीलाई बस्नेतले बडा नं ८ को बिमिरागाछि हुँदै बानसम्म र पुल्लाहादेखि थापा चौकसम्मको सडक कालोपत्रे गर्ने माग समेत राखेका थिए ।
शिल्यनास पछि बैठार चौकमा आयोजना भएको कार्यक्रममा बोल्दै मन्त्री कार्कीले जनताको सेवा गर्न मन्त्री भएको भन्दै विकास बिनाको राजनीति जनताकालागि धोका हुने बताएका थिए । म जे बोल्छु त्यो गर्छु । जुटको राजनिती म गर्दिन , उनले भने, म निर्वाचन जित्न मात्र सांसद भएको होइन, जनताको भलो र विकास गर्न लागि पर्छु । शिलान्यास भएका विकास निर्माणका योजनाहरु सफल पार्नका लागि पर्ने स्थानीयवासिलाई आग्रह समेत मन्त्री कार्कीले गरेका थिए । अधिवेशन समयमै हुने दाबि गरेका सरकारका प्रवक्ता समेत रहेका कार्कीले सरकारले चाँडै पूर्णता पाउने दाबी गरेका थिए ।
कार्यक्रममा रामधुनी नगरपालिकाका प्रमुख जयप्रकाश चौधरीले मन्त्री कार्की बोलेको कुरा पूरा गर्ने नेता भएको दाबि गरे । चौधरीले नेपालकै विकासप्रेमि नेताको रुपमा कार्कीलाई लिएको बताउँदै ४ वर्षमा रामधुनीले विकासमा गति लिएको दाबि समेत गरेका थिए । त्यस्तै कोशि गाउँपालिका अध्यक्ष समेत रहेका नेपाली कांग्रेसका क्षेत्र नं ४ सभापति एयुव अन्सारीले मन्त्री कार्की विकास प्रेमी नेताको रुपमा स्थापित भएको दाबि गरे ।
