रामधुनी । सुनसरीको रामधुनी नगरपालिका ४ मा मंगलबार निःशुल्क स्वास्थ्य शिविर आयोजना हुने भएको छ ।
झुम्का जेसीजले रामधुनी ४ बैठार मानपुरमा एकदिने निःशुल्क स्वास्थ्य शिविर आयोजना गर्ने भएको हो । शिविरमा नाक, कान, घाँटी, आँखा लगायतका स्वास्थ्य परीक्षण गरिने झुम्का जेसीज २०२१ का अध्यक्ष बलराम चौलागाईँले जानकारी दिए । शिविरबाट नगरवासीहरुले निःशुल्क रुपमा स्वास्थ्य परीक्षण लगायतका सेवाहरु पाउने चौलागाईले बताए ।
झुम्का जेसीजको यस वर्षको जेसीज सप्ताह अन्तरगत स्वास्थ्य शिविर गर्ने भएको हो । यस वर्षको जेसीज सप्ताह भदौ १७ गते सुरु भएको थियो । अध्यक्ष चौलागाईका अनुसार सप्ताहअन्तरगत वृक्षारोपण, सेल्फ डिफेन्स तालिम, संस्थागत क्षमता विकास तालिम, म, मास्क र म्यासेज र दर खाने कार्यक्रम सम्पन्न भइसकेको छ ।
मंगलबार स्वास्थ्य शिविर आयोजना भएपछि बिहीबार बालमैत्री नगर घोषणा विषयक अन्रक्रियासँगै सप्ताह समापन गरिने छ ।
झुम्का जेसीजले हरेक वर्ष जेसीज सप्ताह अन्तरगत विभिन्न कार्यक्रम गर्ने गरेको छ ।
