बराहक्षेत्र । सुनसरीको बराहक्षेत्र नगरपालिकामा सक्रिय कोरोना संक्रमितको संख्या ३९ रहेको छ ।
भदौ २७ गते सप्तकोसी आइसोलेसनमा १५ जनाको एन्टिजन जाँच गर्दा ७ जनाको रिपोर्ट पोजेटिभ आएको थियो । यो सात सँगै हाल सक्रिय संक्रमितको संख्या ३९ जना रहेको बराहक्षेत्र स्वास्थ शाखा अहेव जितेश थापाले बताए ।
उनका अनुसार बराहक्षेत्रमा कोरोनाको दोस्रो भेरियन्ट आएदेखि हालसम्म १२ सय ६२ जना संक्रमित भएका थिए ।
बराहक्षेत्र भित्र दोस्रो भेरियन्टको कोरोनाबाट संक्रमित भइ १४ दिन पूरा भएर निको हुनेको संख्या ११ सय ८८ रहेको थापाले बताए । थापाका अनुसार बराहक्षेत्रमा हाल सम्म कोरोना संक्रमणका कारण ३५ जनाको मृत्यु भएको छ ।
