रामधुनी । युवा नेता सुदीप अधिकारीले नेपाली कांग्रेसको आसन्न नगर अधिवेशनमा रामधुनी नगर सभापति पदमा उम्मेदवारी घोषणा गरेका छन् । सानै उमेरमा काँग्रेस राजनीतिमा उदाएका वर्तमान नगर सभापति सुदीप अधिकारी पुनः सभापतिमा उठ्ने बताएका हुन् ।
नगरमा काँग्रेसलाई जगाउन आफूले एक कार्यकाल सभापतिको जिम्मेवार कुशलतापूर्वक निर्वाह गरिसकेकाले काँग्रेसलाई बलियो बनाउन आफ्नो पुनः उम्मेदवारी घोषणा गरेको अधिकारी बताए ।
‘लामो समयदेखि मैले नेपाली काँग्रेसको राजनीति भित्रीरुपमा नियालेको छु,’ सञ्चारकर्मीसँग उनले भने, ‘साविकको सबै गाविसमा कम्युनिष्टको गढ भनेर चिनिएको स्थानमा आफ्नो नगर सभापतिको नेतृत्व पाए पछि नगरमा नगर प्रमुख मेयरसहित १६ जना जनप्रतिनिधि समेत जिताउन भूमिका खेलेको छु ।’
पार्टीमा सक्रिय रहने क्रममा १४ औँ महाधिवेशनमा चुनिने नेतृत्व र रामधुनी नगरको नेतृत्वले नेपाली काँग्रेसलाई जनताका माझमा अझ सशक्त सङ्गठनको रूपमा स्थापित गर्ने योजनाका साथ उम्मेदवारी दर्ता गर्न लागेको उनले जानकारी दिए ।
लामो समयदेखि पार्टीको सङ्गठनहरू नेपाल विद्यार्थी संघ, नेपाल तरुण दलको भासी गाउँ इकाई सभापति र एक कार्यकाल नेपाली काँग्रेसको नगरसभापति समेत चलाइ सकेका छन् ।
