बराहक्षेत्र । लायन्स क्लब अफ कालाबन्जारले संविधान दिवसको अवसरमा आयोजना गरेको रक्तदान कार्यक्रममा ५३ पिन्ट रगत संकलन भएको छ ।
कोरोनाको माहामारीमा रगत अभावका कारण कतिपय नागरिकहरुले ज्यान गुमाइरहेको भन्दै अब कुनैपनि नागरिकले रगत नपाएर ज्यान गुमाउन नपरोस् भनी रक्तदान कार्यक्रम आयोजना गरिएको क्लबका पूर्व अध्यक्ष देबेन्द्र बिष्टले बताए ।
बराहक्षेत्र नगरपालिका वडा नम्बर ५ को कार्यालय स्थित भएको कार्यक्रममा सबैभन्दा पहिले लायन्स क्लवका कोषाध्यक्ष राजन घिमिरेले रक्तदान गरेर कार्यक्रम शुभारम्भ गरेका थिए । रक्तदान कार्यक्रममा नेपाल रेडक्रस सोसाइटी धरानले सहकार्य गरेको थियो ।
साजिद हुसेनको सभापतित्व र जोन चियर पर्सन राजेन्द्र केशरी घिमिरेको प्रमुख आतिथ्यमा रहेको उक्त कार्यक्रममा ५२ परुष र एक महिला गरी जम्मा ५३ जनाले रक्तदान गरेका थिए । कार्यक्रममा भरौल प्रहरी चौकीका प्रतिनिधि, सिद्धार्थ मेमोरियल स्कुलका प्रिन्सिपल कृष्ण तामाङ, मुनविम एकेडेमीका प्रिन्सिपल तथा क्लवका पूव जिल्ला अध्यक्ष देवेन्द्र बिष्ट, डिभान्डलाइट स्कुलका प्रिन्सिपल तथा क्लब सदस्य अधिकलाल चौधरी लगायत संघसंस्थाका प्रतिनिधिहरुको उपस्थिति थियो ।
बराहक्षेत्रको हकहितका निम्ति, सामाजिक तथा व्यक्तित्व विकास र समृद्धका निम्ति क्लबले सामाजिक काम गर्दै आएको छ ।
