बराहक्षेत्र । बराहक्षेत्र नगरपालिका वडा नम्बर ८ का युवा व्यवसायी तथा चाँदनी कन्ट्रक्सनका सञ्चालक ईश्वर भट्टराईले सप्तकोसी बहुमुखी क्याम्पसलाई ५१ थान सिलिङ पङ्खा हस्तान्तरण गरेका छन् ।
मंगलबार भट्टराईले क्याम्पस प्रमुख खगेन्द्र निरौलालाई करिब १ लाख २५ हजार रुपैयाँ बराबरको पङ्खा हस्तान्तरण गरेका हुन् । क्याम्पसको नयाँ भवन बनेपछि सोही भवनबाट अध्यापन हुँदै आएको छ । तर भवनमा पङ्खा नुहँदा विद्यार्थीहरुलाई गर्मीले अध्ययन गर्न समस्या भएपछि क्याम्पस प्रमुखसँगको सल्लामा सो पङ्खा हस्तान्तरण गरेको भट्टराईले बताए ।
आफ्नो ठाउँमा यति ठूलो क्याम्पस बनेको र सो क्याम्पसलाई सहयोग गर्ने मौका पाएकोमा आफू खुसी रहेको उनले बताए ।
यता क्याम्पस प्रमुख निरौलाले धन्यवाद व्यक्त गरे । निरौलाले चाँदनी कन्ट्रक्सनलाई प्रगतिको शुभकामना समेत दिएका थिए । उनले भट्टराईलाई क्याम्पसको आजीवन सदस्य भएको समेत घोषणा गरेका थिए । अहिले क्याम्पस करिब ५ सयजना विद्यार्थी अध्यापन गरिरहेका छन् ।
