सुनसरी । ‘गर्ल्स गेट इक्वल’ अभियान अन्तर्गत सुनसरीमा किशोरीहरुका लागि दुई दिने कला कार्यशाला सम्पन्न भएको छ ।
प्लान इन्टरनेशनल नेपालको सहयोग र सामुदायिक समाज उत्थान केन्द्रको आयोजनामा सुनसरीको इनरुवा, बराहक्षेत्र, धरान र दुहबीमा कला कार्यशाला सम्पन्न भएको हो । किशोरी तथा महिलाहरुले आफ्नै विविधतामा उनीहरुको जीवन बारे समान निर्णय गर्न सक्षम बनाउने उद्देश्यसहित कार्यशाला आयोजना गरिएको सामुदायिक समाज उत्थान केन्द्रकी सामाजिक परिचालिका चन्द्रिका चौधरीले बताइन् ।
कला कार्यशालाको मुख्य आर्कषण ’चिठी लेखन कार्यक्रफ्ममा’ ५४ जना किशोर किशोरीहरुको सहभागिता रहेको थियो । उक्त चिठी लेखन कार्यक्रममा किशोरीहरुका मागहरु : समान शक्ती समान स्वतन्त्रता र समान प्रतिनिधित्व बारे रहेको सामुदायिक समाज उत्थान केन्द्रका सामाजिक परिचालक किशोर मेहताले बताए ।
सहभागीहरुले गर्ल्र्स गेट इक्वलको शक्ति, स्वतन्त्र र समान प्रतिनिधित्वलाई चित्र, विभिन्न खेल र सामानको चिन्ह कलरपेन्टको माध्यमबाट प्रस्तुत गरेका थिए । त्यसैगरी सहभागीहरुले राष्ट्रपति, प्रधानमन्त्री, मेयर, उपमेयर, वडाध्यक्ष, प्रहरी प्रमुख, सम्पादक, प्लान इन्टरनेसनल, साथि र अन्य विभिन्न व्यक्ति र आफैंलाई समेत चिठी लेखेका छन् ।
कार्यशालामा उद्योग वाणिज्य संघका उपाध्यक्ष, विद्यालयका प्रध्यानाध्यापक, शिक्षक, समाजसेवी र पत्रकारहरुको समेत उपस्थिति रहेको थियो । कार्यत्रफ्ममा उद्योग वाणिज्य संघका उपाध्यक्ष गिरिराज अटलले कलाको सहि सदुपयोग गरि आफ्नो आवाज प्रस्तुत गर्न सके कलाको शक्तिको प्रत्याभुति सबैले गर्न सकिने बताए । त्यसैगरी, यस्ता खालका कार्यक्रमले सबै किशोर र किशोरीको मन भित्रको समस्या र आवाज समेट्ने बसन्त ऋतुका शिक्षक सुमन बिकलले बताए ।
चिठी लेखिसके पछि सहभागीहरुले पत्र समेत पढेर सुनाएका थिए । कार्यत्रफ्मबाट धेरै कुरा सिक्न पाएको भन्दै आपफ्हुरुले लेखेको पत्र सम्बन्धित ठाउँ र व्यक्तिसम्म पुग्ने आशा सहभागीहरुको रहेको थियो ।
सहभागीहरु सुनसरीको इनरुवा, रामधुनी, बराहक्षेत्र, गढी, दुहबी र धरानबाट रहेका थिए । उद्योग बाणिज्य संघ, इनरुवामा १४ जना, बराहक्षेत्रको बसन्त ऋतु मा.बि.मा २० जना, धरान बिमल स्मृति पुस्तकालयको हलमा १० जना र दुहबिको बि.पि प्रा.बि मा १० जना किशोर किशोरीलाई सहभागी गराई कार्यशाला आयोजना गरिएको थियो ।
