इटहरी : नेपाली कांग्रेस इटहरीको सभापतिमा पुनः हेमकर्ण पौडेल विजयी भएका छन् । नेपाली कांग्रेसको १४औं महाधिवेशन अन्तरगत शनिबार भएको इटहरी उपमहानगरपालिकाको निर्वाचनमा अर्का प्रतिष्पर्धी विकास केसीलाई पराजित गर्दै पुनः पौडेल निर्वाचित भएका हुन् ।
यस्तै, उपाध्यक्षमा बालकृष्ण विष्ट र कोबिदजंग कार्की विजयी भएका छन् । सचिवमा मन्दिप भट्टराई र बिक्रम घिमिरे निर्वाचित भएका छन् ।
त्यस्तै, सहसचिवमा इश्वर तामाङ र मेनुका गिरी निर्वाचित भएका छन् ।
यसअघि दुई कार्यकाल नगरसभापति चलाएका उनको यो तेस्रो कार्यकाल हो ।
