रामधुनी । सामाजिक रुपमा काम गर्दै आइरहेको झुम्का जेसीज वर्ष २०२२ का लागि द्वारिका घिमिरे (सुबोध) निर्वाचित भएका छन् ।
शनिबार रामधुनी ५ झुम्कास्थित कल्पवृक्ष पार्टी प्यालेसमा भएको निर्वाचनबाट निकटतम प्रतिद्वन्द्वी आशा चौधरीलाई एक मतान्तरले पराजित गरी घिमिरे निर्वाचित भएका हुन् ।
त्यसैगरी वर्ष २०२२ का लागि कार्यकारी उपाध्यक्षमा बिनोद कोइराला र गोबिन्द आचार्य निर्वाचित भएका छन् । उपाध्यक्षमा नोबेल चौधरी, उत्सव बस्नेत, अनिस उप्रेती र सन्दिप राउत निर्वाचित भएका छन् । कार्यकारी उपाध्यक्षमा ४ र उपाध्यक्षमा ५ जनाबिच प्रतिस्पर्धा भएको थियो ।
साथै नव निर्वाचित अध्यक्ष घिमिरेले २०२२ का लागि थप केदी पदका लागि समेत मनोनित गरेका छन् । जसमा महासचिवमा रोशन खड्का, सचिवमा मनिष काफ्ले, कोषाध्यक्षमा धिरज कट्वाल, बोर्ड सल्लाहकारमा कमला कार्की थापालाई मनोनित गरेका छन् । त्यसैगरी अध्यक्षले जनसम्पर्क अधिकारीमा प्रतिक खतिवडा र कानुनी सल्लाहकारमा सरोज कोइरालालाई मनोनित गरेका छन् ।
निर्वाचन अधिकृत पुष्प कार्की रहेका थिए ।
