जापानमा रहेको जापान टेक्नोले माया घर नेपाल इटहरीलाई शनिबार शैक्षिक र खेल सामाग्री हस्तान्तरण गरेको छ ।
टेक्नोद्वारा विश्वव्यापी रुपमा सञ्चालित ”वन बल कनेक्ट अभियान अन्तरगत मायाघरका बालबालिकाहरुलाई विभिन्न सामाग्री वितरण गरेको हो । हाल जापानमा रहेका समाजसेवी युवा नवराज पौडेलको पहलमा माया घरका २२ बालबालिकालाई साइकल, स्टडी टेबल, स्वास्थ्य सामाग्री, स्टेशनरी तथा खेलकुद सामाग्री बितरण गरिएको हो ।
यश अभियान तथा सामाग्री हस्तान्तरण कार्यक्रमलाई नेपाल तर्फ निराजन पाण्डे, धावा तामाङ, उत्सव दाहाललगायतले सहजीकरण गरेका थिए । माया घरका उपाध्यक्ष जनक कार्कीले यस किसिमको सहयोगले मायाघरका बालबालिकालाई सहज हुने बताए । उनले कार्यक्रममा आयोजकलाई धन्यवाद समेत दिँदै आगामी दिनमा साथ र सहकार्य आवश्यक रहेको बताए ।
माया घरमा कार्यक्रम भएकाे समयमा जापानमा समेत कार्यक्रम भइरहेकाे थियाे । कार्यक्रममा जुम प्रविधिबाट आयोजक संस्था र माया घरकाे कार्यक्रम जाेडिएका थिए ।
शनिबार नै प्रदेश १ मा सडक मानव मुक्त अभियान सुरु गरिएको छ । हाल मायाघरमा बेसहारा, अनाथ तथा आफन्तविहीन बालबालिकादेखि वृद्धवृद्धाहरु रहेका छन् ।
