रामधुनी । इलाका प्रहरी कार्यालय पकलीका प्रहरी हवल्दार दुर्गाबहादुर श्रेष्ठ उत्कृष्ट प्रहरी घोषित भएका छन् । श्रेष्ठलाई उत्कृष्ट कार्य गरेको भन्दै जिल्ला प्रहरी कार्यालय सुनसरीले फागुनको उत्कृष्ट प्रहरी घोषणा गरेको हो ।
श्रेष्ठले अपराध अनुसन्धानको क्षेत्रमा विशेष योगदान पु-याएकाले सर्वोकृष्ट प्रहरी घोषित भएका हुन् । जिल्ला प्रहरी कार्यालय सुनसरीका प्रहरी उपरिक्षक संजय सिंह थापाद्वारा हस्ताक्षरित कार्य विवरणमा विभागीय मुल्य–मान्यता, आदेश–निर्देशनको पालना गरी व्यवसायिक, लगनशील र कर्तव्यनिष्ठ तवरले कर्तव्यपथमा तल्लीन रही उच्च मनोवल र साहसका साथ आफ्नो कर्तब्य निर्वाह गरी काम गरेकाले उत्कृष्ट प्रहरी घोषणा गरिएको उल्लेख छ ।
सौ विवरणमा उनले विभिन्न अपराधिक घटनामा संलग्न व्यक्तिहरुलाई पक्राउ तथा कानूनी कारवाहीको दायरामा ल्याउन महत्वपूर्ण भुमिका निर्वाह गरेको समेत उल्लेख छ ।
प्रदेश नम्बर १ प्रहरी कार्यालय विराटनगरले १ नम्बर प्रदेश भरीका प्रहरी कर्मचारीहरु मध्येबाट प्रत्येक महिना सर्वोत्कृष्ट प्रहरी छनौट गर्दै आइरहेको छ ।
श्रेष्ठ जिल्ला प्रहरी कार्यालय सुनसरीमा दरबनन्दी लिई इलाका प्रहरी कार्यालय पकलीमा कार्यरत छन् ।
