इटहरी । इटहरी जेसीजले इटहरीमा एक दिने निःशुल्क स्वास्थ्य शिविर सम्पन्न गरेको छ । जेसीजले विश्व क्षयरोग दिवसको असरमा बिहीबार इटहरी २ सिथत श्री शान्ति आधारभुत विद्यालयमा शिविर सम्पन्न गरेको हो ।
शिविरमा बरिष्ठ फिजिसियन डाक्टरबाट स्वास्थ्य जाँच, फोक्सो परीक्षण, आँखा परीक्षण, मधुमेह परीक्षणलगायतका सेवाहरु प्रदान गरिएको थियो । शिविरमा परीक्षणसँगै निःशुल्क औषधि समेत वितरण गरिएको थियो ।
शिविरमा विद्यार्थी, स्थानीय गरी तीन सय जना भन्दा बढीले स्वास्थ्य परीक्षण गरेका थिए । शिविरलाई प्राविधिक तथा चिकित्सकहरु उपलब्ध गर्न बिपि मेडिको इटहरी, मनकामना डेन्टल इटहरी, अरविन्द आई केयर खनारले सहयोग गरेको थियो ।
सामुदायलाई लाभ हुने यस्तै तथा अन्य कार्यक्रमहरु आयोजना गर्ने जेसीजको योजना रहेको इटहरी जेसीजका प्रवक्ता यामकुमार दाहाल (एडि)ले जानकारी गराए ।
