रामधुनी । नेकपा एमाले १ नं. प्रदेश कमिटी सचिवालय सदस्य हिमाल सुवेदी (डम्बर) माथि आइतबार भएको आक्रमणमा संलग्नलाई कारबाही गर्न रामधुनी नगरपालिकाको युर्थ फोर्स र युवा संघले माग गगरेको छ ।
आइतबार प्रेस विज्ञप्ती जारी गर्दै इटहरी ६ संगित चौकमा नियोजित तवरले ज्यान मार्ने अभिप्रायका साथ आक्रमण भएको भन्दै त्यसको कडा निन्दा गर्दै आक्रमणकारी १२ घण्टाभित्र खोजेर कानुनी दायारमा ल्याउन माग गर्दै रामधुनी नगरपालिकाको युर्थ फोर्स र युवा संघले माग गरेको हो ।
युथ फोर्स नेपाल रामधुनीका प्रमुख सन्देश कोइराला र राष्ट्रिय युवा संघ नेपाल रामधुनीका अध्यक्ष मनिष काफ्ले संयुक्त रुपमा जारी गरेको विज्ञप्तीमा राजनीतिक रुपमा जनताबाट अस्वीकृत भएपछि लज्जास्पद पराजयले विक्षप्त भएकाबाट गरिएको यो हमला अत्यन्तै भत्सर्नायोग्य रहेको उल्लेख गरिएको छ । यसको जति निन्दा गरे पनि कम हुने भन्दै विज्ञप्ती मार्फत आक्रमणको निन्दा गरेको छ ।
‘राजनीतिक चेत, विवेक, अनुशासन र संस्कार भएको र कानुनी प्रक्रियामा विश्वास गर्ने पार्टी भएकोले यस घटनाको कानुनी उपचारका लागि सम्बन्धित पक्ष, स्थानीय प्रशासन र सरकारसँग जोड्दार माग गर्दछौं’, विज्ञप्तीमा भनिएको छ ।
सत्ताको आढमा भएको यो अराजकतालाई ठिक पार्न हामी किञ्चित कमजोर छैनौं भनि चेतावनी दिदै उसले दोषीलाई पक्राउ गरेर कारवाही गर्न ढिलाई गरिएको खण्डमा राष्ट्रिय युवा संघ नेपाल र युथ फोर्स नेपाल, रामधुनी नगरपालिकाले चरणबद्ध कडा आन्दोलन गर्ने चेतावनी दिएको छ ।
