इटहरी । इटहरी ९ मा रहेको ग्रिनपिस एकडेमीले विद्यालयमा प्रतिनिधि चयन गर्न निर्वाचन सम्पन्न गरेको छ । बिहीबार ग्रिनपिस नमुना कलेजमा आयोजित निर्वाचनमा विद्यार्थी स्वयम्ले निर्वाचन प्रक्रियामा भाग लिइ मतदान गरेका थिए ।
नेतृत्व चयन गर्नका लागि गरिएको यस निर्वाचनको अभ्यासले भविष्यका दिनमा अन्य खालका निर्वाचनमा समेत सहज हुने र मत बदर समेत नुहुने विद्यार्थी सागर त्रितालले बताए ।
भविष्यका कर्णधार विद्यार्थीहरूलाई विद्यालय स्तरबाटै नयाँ अभ्यास स्वरुप निर्वाचन प्रकृयामार्फत कुशल नेतृत्व चयनको लागि सहज हुने साथै यस प्रकारका अभ्यासले भविष्यमा मतदाताको हक र अधिकार सुनिश्चित हुने निर्वाचन अधिकृत कुलदिप भुजेलले बताए । उनले सफल र सबल नेतृत्व चयन गर्ने ज्ञान विद्यार्थी जीवन देखिनै आओस् भन्ने हेतुले विद्यालयमा निर्वाचन प्रक्रियाको अभ्यास गरिएको जानकारी दिए ।
निर्वाचनको लागी विद्यालयले प्रतिनिधिका लागि चुनाव चिन्ह, मतपत्र साथै ३ वट केन्द्रको व्यवस्था गरेको थियो । विद्यालयले कक्षा ४ देखि १० सम्म स्कुल क्याप्टेनदेखि क्लास क्याप्टेनसम्म गरी विभिन्न ५ पदमा चार सय ७० विद्यार्थीहरुले मतदान गरेका थिए ।
