झापा । झापाको बिर्तामोड नगरपालिका २ चारपानेबाट लागुऔषध ब्राउनसुगरसहित एकजना पक्राउ परेका छन् । पक्राउ पर्नेमा बुद्दशान्ती ४ का ३१ वर्षीय चन्द्र बहादुर लिम्बु रहेका छन् ।
विशेष सूचनाका आधारमा मंगलबार बेलुका ७ बजे इलाका प्रहरी कार्यालय अनारमनी र लागुऔषध नियन्त्रण ब्युरो काँकडभिट्टाबाट खटिएको संयुक्त प्रहरी टोलीले जाँचको क्रममा लिम्बुको साथबाट ३४ ग्राम लागुऔषध ब्राउनसुगर बरामद गरेको हो ।
लागूऔषधसहित पक्राउ परेका लिम्बुको सम्बन्धमा इलाका प्रहरी कार्यालय अनारमनीबाट थप अनुसन्धान भइरहेको छ ।
