इटहरी । विभिन्न तीन लायन्स क्लबको संयुक्त पहलमा इटहरी १० का विपन्न बालबालिकाहरुलाई लुगाकपडा र खाद्यान्न वितरण गरिएको छ । आइतबार एक कार्यक्रम आयोजना गरी वडाका मुसहर समुदायका र विपन्न गरी ४० बालबालिकालाई लुगाकपडा र २० घरपरिवारलाई खाद्यान्न वितरण गरिएको हो ।
जोन २२ अन्तरगतका तीन क्लबको संयुक्त पहल र वडा कार्यालय समेतको सहकार्यमा कपडा तथा खाद्यान्न वितरण गरिएको थियो ।
कार्यक्रममा डिस्ट्रिक ३२५सी का डिस्ट्रिक्ट गभर्नर, फस्र्ट डिस्ट्रिक्ट गभर्नर, एरिया प्रमुख, जोन प्रमुख, जनप्रतिनिधिलगायतको उपस्थिति रहेको थियो । कार्यक्रममा सम्बोधन गर्दै डिस्ट्रिक्ट गभर्नर धिरज गुरुङ्गले लायन्स मार्फत सामाजिक सेवाका हातहरु अघि बढाउन पाउँदा गौरव लागेको बताए । उनले यसलाइ मानवीय धर्मको रुपमा अंगिकार गर्नुपर्ने बताए ।
जोन २२ का प्रमुख अजय अधिकारीले लायन्स क्लबहरुले आगामी दिनमा पनि यस्ता विपन्न समुदायमा राहत र सेवाका सबै क्षेत्रहरुमा काम गर्ने प्रतिवद्धता व्यक्त गरे ।
