मोरङ । मोरङको कानेपोखरी गाउँपालिका २ स्थित सडक खण्डमा बसबाट लड्दा एक जना बृद्धको मृत्यु भएको छ ।
मंगलबार (आज) बिहन ११ बजे कानेपोखरीबाट रंगेली तर्फ आउदै गरेको को १ ख ४१८८ नम्बर बसमा सवार रहेका कानेपोखरी २ मोरङका ७३ वर्षीय बलभद्र पराजुली बसबाट ओर्लने क्रममा लडी घाइते भएका थिए । घाइते पराजुलीको रंगेली अस्पतालमा उपचारको क्रममा मृत्यु भएको हो ।
उक्त बस र चालक रतुवाईमाई नगरपालिका २ का बावुराम टुडुलाई इलाका प्रहरी कार्यालय रंगेलीले नियन्त्रणमा लिई थप अनुसन्धान गरिरहेको छ ।
