रामधुनी । रामाधुनी ५ मा रहेको नवकिरण अंग्रेजी बोर्डिङ स्कुलले आफ्ना अभिभावकहरुका लागि अभिमूखीकरण कार्यक्रम सम्पन्न गरेको छ ।
शनिबार झुम्का स्थित कल्पवृक्ष पार्टी प्यालेसमा शनिबार आयोजित अभिमूखीकरणमा चार सय भन्दा बढी अभिभावकको सहभागिता रहेको थियो । सीटीएफ नेपालको सहकार्यमा भएको सो अभिमुखीकरणमा मोटिभेटर स्पिकर रवि किरणले अभिमुखीकरण गरेका थिए ।
निजी विद्यालयहरुले यस किसिमका कार्यक्रम आवश्यक रहेको कार्यक्रमकी विशेष अतिथि रामधुनी नगरपालिकाकी उपप्रमुख तारा थापाले बताइन् । आफू पनि शिक्षण पेशामा डेढ दशक काम गरेको र सो बेला नै यस किसिमका कार्यक्रम गर्न गर्न मन भएर पनि विविध कारणले सम्भव नभएको तर, यतिबेला रामधुनीमा यस्ता कार्यक्रम हुनु निकै सराहनीय रहेको उनको भनाई थियो ।
त्यसैगरी शैक्षिक विकासका लागि यस किसिमका क्रियाकलापहरु आवश्यक रहेको र यस्तो अभिमूखीकरण कार्यक्रमले अभिभावकहरुको क्षमता समेत विकास हुने कार्यक्रमका प्रमुख अतिथि रामधुनी नगरपालिकाका प्रमुख शंकरलाल चौधरीले बताए । कार्यक्रमका सभापति समेत रहेका नवकिरण स्कुलका प्रद्यानाध्यापक इश्वर पौडेलले शिक्षक, विद्यार्थी र अभिभावकबीचको सम्बन्ध र भूमिका निकै रहने भएको हुँदा सो लगायतका विषयमा जानकरी गराउँदै अभिभावलाई उत्प्रेरित गर्ने उद्देश्यले कार्यक्रम गरिएको जानकारी दिए ।
कार्यक्रममा विद्यालयका प्रद्यानाध्यापक पौडेल, प्रमुख अतिथि मेयर चौधरी, विशेष अतिथि उपमेयर थापा, विशेष अतिथि रामधुनी नगर प्याब्सन अध्यक्ष अच्युत ढकाल, सीटीएफ नेपाल इटहरीका गुरु प्रसाद ढकाल, प्रशिक्षक रवि किरणलगायतको आतिथ्यता रहेको थियो ।
विभिन्न समयमा अतिरिक्त शैक्षिक गतिविधि सञ्चालन गर्दै आएको नवकिरणले विद्यार्थीसँगै अभिभावकहरुको भूमिका, दायित्व, सम्बन्ध लागायतका विषयमा कार्यक्रम सञ्चालन गर्दै आइरहेको छ ।
