निशान प्रकृति थारु, रामधुनी । इटहरी उपमहानगरपालिका नगर प्रमुख हेमकर्ण पौडेलले थारु समुदायको एकता, आजको आवश्यकता तथा पहिचान र अस्तित्वका लागि एक हुनुपर्नेमा जोड दिएका छन् । इटहरीमा प्रथम नागरिक घोषणासँगै थारु समुदायले आफ्नो पहिचान, संस्कृति, परम्परा तथा पौरानिक सम्पदा संरक्षणका लागि एक ढिक्का भएर लागि रहनुपर्ने सुझाव पनि दिएका छन् ।
थारु महिला सभा इटहरी १५ एकम्बा वडा कार्यसमितिको आयोजनामा भएको जितिया सांस्कृतिक कार्यक्रमलाई संम्बोधन गर्दै थारु समुदाय प्रथम नागरिक घोषणा भएसंँगै उक्त जातिको उत्थानका लागि विशेषगरी शिक्षा, स्वास्थ्य तथा आर्थिक स्तर उन्नतिका लागि अब प्रत्येक वर्षको योजनाहरुमा स्थानीय सरकारले लगानी गर्दै जाने बताएका छन् ।
पौडेलका भनाई अनुसार स्थानीय राज्य सरकारबाट थारु समुदायको शिक्षा, स्वास्थ्य र आर्थिक विकासका लागि लगानीलाई निरन्तरता दिने र स्थानीय तह निर्वाचनमा मलाई जित दिलाउनमा थारु समुदायको उल्लेखनीय भुमिका रहेकाले यो गुण कहिल्यै नविर्सिने बताएका छन् । थप प्रस्ट पार्दै भने आफु पहाडे समुदायको भए पनि थारु समुदायसँग नजिक रहेको बताएका छन् । म पहाडे समुदायको हुँ, तर थारु समुदायको भाषा, संस्कृति, संस्कार, खानापान र भेषभुषामा आत्मिय छु र राम्रोसँग बुझेको छु, उनले भने, त्यसैले धेरै माया छ थारु संस्कार र संस्कृतिप्रति यो सत्कार सधै कायम नै रहने छ ।
उक्त जितिया सांस्कृतिक कार्यक्रममा उपप्रमुख संगिता चौधरीले थारु समुदायको समग्र विकास तथा समृद्धिको लागि सहयोग गर्ने प्रतिबद्धता व्यक्त गरेकी छन् । थारु कल्याणकारी सभाको भवन निमार्णार्थ तथा थारु महिला उत्थानका लागि विशेष जोड दिने बताएकी हुन् । कला संस्कृति भाषा,साहित्य तथा मौलिक चार्डपर्व साथै ग्रामथान संरक्षणमा विशेष पहल गरिने र त्यसका लागि सम्पुर्ण इटहरीवासी समुदायले साथ र सल्लाह दिनु पर्ने आग्रह पनि गरेकी छन् ।
जितिया सांस्कृतिक कार्यक्रम प्रत्येक वर्ष मनाउँदै आइरहेको अगामी वर्षहरुमा पनि निरन्तरता दिनै रहने मुल आयोजक समितिकम कार्यक्रम संयोजक लक्ष्मी चौधरीले बताइन् । कार्यक्रममा वडा १५ का वडा अध्यक्ष जयनारायण चौधरी, वडा १६ का तेजनारायण चौधरी, समाजसेवी, जनप्रतिनिधि, बुद्धिजीवी तथा हजारौंको संख्यामा स्थानीयको उपस्थिति रहेको थियो ।
