रामधुनी । सुनसरीको इटहरी उपमहानगरपालिका-१७ मा भएको मोटरसाईकल दुर्घटनामा परी एक जनाको मृत्यु भएको छ । आइतबार (आज) बिहान साढे १० बजे चतराबाट कान्छीचोक तर्फ आउँदै गरेको प्रदेश नं १-०२-०४४ प १६०८ नम्बरको मोटरसाईकल आफै अनियन्त्रीत भई सडकमा पल्टिएर दुर्घटना भएको प्रहरीले जनाएको छ ।
घाइते भएका मोटरसाइकल चालक रामधूनी नगरपालिका ६ का ४१ वर्षीय सुमन रेग्मी र सोही मोटरसाइकल पछाडी सवार ६० वर्षीय राम प्रसाद रेग्मीलाई उपचारको लागि न्युरो अस्पताल बिराटनगर लैजाने क्रममा ६० वर्षीय राम प्रसादको बाटैमा मृत्यु भएको इलाका प्रहरी पकलीले जनाएको छ । घटना सम्बन्धमा प्रहरीले थप अनुसन्धान गरिरहेको छ ।
