६७ औं प्रहरी दिवसको अवसरमा १ नम्बर प्रदेश प्रहरी कार्यालय बिराटनगरको आयोजनामा मन्दिर सरसफाई कार्यक्रम सम्पन्न गरिएको छ ।
हरेक बर्ष मनाइदै आएको प्रहरी दिवसको अवसरमा विभिन्न किसिमका कार्यक्रम सञ्चालन गरिने बिगतका बर्षमा झै यस बर्ष पनि ६७ औं प्रहरी दिवस रानी स्थित दुर्गा मन्दिर परिसर सरसफाई गरी मन्दिर सरसफाई कार्यक्रम सम्पन्न गरिएको छ ।
शनिबार बिहान प्रदेश प्रहरी कार्यालय, प्रदेश प्रहरी तालिम केन्द्र र प्रदेश प्रहरी गण रानी बिराटनगरका प्रहरी अधिकृत तथा प्रहरी कर्मचारीहरुद्वारा बिराटनगर रानी स्थित दुर्गा मन्दिर परिसरमा सरसफाई गरिएको हो ।
रानीको नेपाल भारत सिमा क्षेत्र छेउमा नै पर्ने दुर्गा मन्दिर परिसरमा रहेको फोहोरको संकलन गरी व्यवस्थापन तथा सरसफाई गरीएको १ नम्बर प्रदेश प्रहरी कार्यालयले जनाएको छ ।
