नायिका रेखा थापाले साइत हेराएर चुनावी घरदैलो अभियान सुरु गरेकी छन् । मोरङ क्षेत्र नम्बर ३ बाट प्रतिनिधिसभा सदस्य उम्मेदवार थापा राप्रपा चुनावी मैदानमा उत्रिएकी हुन् ।
ज्योतिषले दिएको साइत अनुसार शुक्रबार विहान ८ बजेबाट पथरीशनिश्चरे नगरपालिकामा रहेका सिवालयबाट घरदैलो सुरु गरेकी उनले जनता माझमा गएर प्रतिनिधि सभा सदस्यको चुनावमा विजय भए पछि आफुले उद्देश्य राखेका सम्पूर्ण कार्य निस्पक्ष, भ्रष्टचार निर्मुल गर्दै जनताको आशा र भरोसालाई आफुले पुरा गर्ने प्रतिबद्धता गरेकी छिन् ।
‘ज्योषिले दिएको साइत अनुसार नै घरदैलो सुरु गरे, अब आम मोरङ्ग क्षेत्र नं. ३ का जनताको समस्या, महिला सशक्तिकरण, भ्रष्ट्रचारयुक्त देश बनाउने लगायतको कार्य गर्ने छु ’ उनी भन्छिन् । शुक्रबारबाट सुरु घरदैलो १५ दिन भित्र सक्ने उनको तयारी छ ।
उक्त चुवानी घरदैलोमा रहेकै समयमा मोरङ्ग क्षेत्र नं. ३ ले अहिले सम्म महिला उम्मेद्वार नपाएको र यस पटक आफू स्वयम् यस क्षेत्रको रहेको त्यसैगरी महिला पनि रहेको नाताले पार्टीको झण्डा भन्दा माथि उठेर यस क्षेत्रबाट भ्रष्ट्रचारीहरुलाई हटाउन आफू आएको उनको भनाई रहेको छ ।
“म कांग्रेसका साथीहरु, एमालेका साथीहरु जो भएपनि, म पार्टीमा प्रवेश गर्नु भन्दिन, म नेपाली झण्डा बोकेर हिडेर भ्रष्ट्रचारीहरुलाई हाम्रो क्षेत्रबाट आउट गरौँ भन्न आएको हु । आउट गर्नै पर्यौ । अन्य ठाउँमा असल मान्छे विजय भए जस्तै यस क्षेत्रमा राम्रो मान्छे जीतोस र शर्मले सिर न निउरीओस भन्न आएको हु । यहाँहरुले यो कुरा विचार गर्नुहुने छ भन्ने म विश्वास्त छु ” उनले भनिन् ।
