धनकुटाको साँगुरीगढी–६ भेडेटार नजिक चारखोलेमा सोमबार बिहानको ९ बजे गुडिरहेको भ्यानमा आगलागी भएको छ ।
तरकारी बोकेर धनकुटाबाट धरानतर्फ आउँदै गरेको प्रदेश नं. २, ०१००१ च २४१ नम्बरको भ्यानमा आगलागि भएको इलाका प्रहरी कार्यालय भेडेटारले जनाएको छ ।
गुडिरहेको बेला अकस्मात वायरिङ सट भई आगो लागेको चालक अनिश दर्लामीले बताएका छन् । चालक दर्लामी सिरहा जिल्ला मिर्चैयाका रहेका छन् ।
घटनामा मानवीय क्षति नभएको र घटनाबारे थप अनुसन्धान भइरहेको धनकुटा प्रहरीले जनाएको छ ।
