६७ औ प्रहरी दिवस २०७९ को अवसरमा १ नं. प्रदेश प्रहरी कार्यालयले आयोजना गरेको कार्यक्रममा प्रदेश नं. १ को सर्वात्कृष्ट प्रहरीमा ट्राफिक प्रहरीका वरिष्ठ हवल्दार तुलसी प्रसाद पोखरेल भएका छन् ।
पोखरेललाई बिप्लव थापा (गोदार) स्मृति उत्कृष्ठ ट्राफिक प्रहरी पुरस्कार प्रहरी बरिष्ठ हवल्दार तुलसी प्रसाद पोखरेललाई प्रदान गरिएको छ । प्रदेश भरिबाट उत्कृष्ट कार्य गर्ने मधयेबाट १ जना प्रहरी कर्मचारीलाइ उक्त पुरस्कार प्रदान गरिने गरिन्छ । यसै बर्षबाट शुरु भएको २५ हजार धनराशीको उक्त पुरस्कार पोखरेललाई ६७ औ प्रहरी दिवसका अवसरमा प्रदेश प्रहरी कार्यालयल बिराटनगरले पुरस्कृत गरेको हो ।
पुरस्कृत भएका पोखरेलले सरोकारवाला निकायहरुसंग समन्वय र सहकार्य गरी ईटहरी चोक लगायत बजार एरियामा ११ वटा जेब्राक्रस निर्माण गरेको, ईटहरी चोकमा जडित ट्राफिक बत्तिको संचालन र कार्यान्वयनमा बिशेष भुमिका निर्वाह गर्नुका साथै ट्राफिक आवागमनमा महत्वपुर्ण भुमिका निर्वाह गरेकाले उनलाई पुरस्कार प्रदान गरिएको प्रहरी कार्यालयले जनाएको छ ।
१ नं. प्रदेश अन्तर्गत ट्राफिक दुर्घटना न्युनिकरण, ट्राफिक व्यवस्थापन तथा ट्राफिक अनुसन्धान क्षेत्रमा उत्कृष्ठ कार्य गर्ने एक जना प्रहरी कर्मचारीलाई नगद २५ हजार पुरस्कार तथा प्रशंसापत्रद्वारा सम्मान गरिदै आएको प्रदेश प्रहरी कार्यालयले जानकारी दिएको छ ।
पुरस्कृत हुने हवल्दार पोखरेललाई अक्षयकोषका संस्थापक बद्री बिक्रम थापा गोदारले सोमबार २५ हजारको चेक तथा प्रशंसा–पत्र प्रदान सहित पुरस्कृत गरेका हुन् ।
१८ बर्षको कलिलो उमेरमा सवारी दुर्घटनामा परि दिवंगत भएका आफ्ना छोराको स्मृतिमा १ नं. प्रदेश अन्तर्गत ट्राफिक दुर्घटना न्युनिकरण, ट्राफिक व्यवस्थापन तथा ट्राफिक अनुसन्धान क्षेत्रमा उत्कृष्ठ कार्य गर्ने एक जना प्रहरी कर्मचारीलाई नगद २५ हजार पुरस्कार तथा प्रशंसा(पत्रद्वारा सम्मान प्रदान गरी यस्ता क्षेत्रमा आफ्नो घर परिवार नभनि अहोरात्र खटिने प्रहरी कर्मचारीहरुको मनोवल र उत्प्रेरणा बढाउने उद्देश्यले ५ लाख रुपैयाको अक्षकोष स्थापना गरी ६७ औं प्रहरी दिवसबाट पुस्कारको सुरुवात भएको हो ।
वि.सं. २०४२ साल देखि सुरुगरिएको प्रहरी दिवस हरेक बर्ष विविध खेलकुद कार्यक्रम, स्वास्थ्य सिविर संचालन, रक्तदान, सार्वजनिक स्थल सरसफाई, दिपावली लगायतका कार्यक्रमहरुको आयोजना गरी मनाइने पहरी दिवसको यो ६७ औ प्रहरी दिवस हो ।
