ताप्लेजुङको मैवाखोला गाउँपालिका–४ मा ट्याकटर दुर्घटना भएको छ । उक्त दुर्घटनामा परी ४ जनाको मृत्यु भएको छ ।
बुधवार प्रदेश २–०२–०३–००१ त ५६५५ नंम्बरको ट्याक्टर तेलाबुङबाट मैवाखोला–५ काम्साङ फर्कने क्रममा सडकबाट अन्दाजी २५० मिटर तल खसेर दुर्घटना हुँदा ट्याक्टरमा सवार रहेका चालक स्थानीय ३१ बर्षीय पासाङ शेर्पा, उनैका भाई २४ बर्षीय फुर्वा शेर्पा, १७ बर्षीया लाकी शेर्पा र २२ बर्षीया सर्मीला शेर्पाको मृत्यु भएको हो ।
उनीहरुको घटनास्थलमा नै मृत्यु भएको जिल्ला प्रहरी कार्यालय ताप्लेजुङले जनाएको छ । घटना सम्बन्धमा थप अनुसन्धान भइरहेको ताप्लेजुङ प्रहरीले जनाएको छ ।
