मोरङ्ग जिल्लाको प्रमुख क्षेत्र तथा प्रदेश नं. १ को राजधानी रहेको बिराटनगरमा आफ्ना गठबन्धनलाई जिताउने प्रयासमा ठुला हाल सत्त गठबन्धनमा रहेका नेपाली कांग्रेस, नेकपा (एकिकृत समाजवादी), नेकपा (माओवादी केन्द्र) लगायतका पार्टी आफ्नो गठवन्धन भएको क्षेत्रमा आफ्ना उम्मेद्वार जिताउन लागेका छन् ।
सोही क्रममा सत्ता गठबन्धनमा रहेको नेपाली कांग्रेस पार्टीका अध्यक्ष तथा प्रधानमन्त्री देउवाले पार्टी भित्र कुनै पनि विवाद नभएकाले सम्पूर्ण पार्टी भित्र तथा गठबन्धनमा रहेका सम्पूर्ण कार्यकर्ता आश्वासन दिएका छन् ।
विराटनगरको मनास्लु होटेलमा आयोजित संयुक्त भेलालाई सम्बोधन गर्दै उनले पार्टीमा कुनै विवाद नभएको भन्दै गठबन्धनको चुनाव चिन्हमा मत मागे हुन् ।
यसअघि डाक्टर शेखर कोइरालाले सभापति देउवा र आफू बिच कुनै विवाद नभएको बताएका थिए । मोरङ ६ नम्बर क्षेत्रबाट प्रतिनिधिसभा सदस्यको उम्मेदवार रहेका डाक्टर शेखरले पार्टीमा एकता बढेको बताएका थिए ।
मोरङ ६ को प्रदेश सदस्य १ मा माओवादी केन्द्रका जीवन आचार्य र प्रदेश सदस्य २ मा काँग्रेसका केदार कार्की उम्मेदवार छन् । पार्टी र गठबन्धन बिच एकता देखाउन कोइरालाकै क्षेत्रमा भेला आयोजना गरिएको हो ।
कार्यक्रमलाई सम्बोधन गर्ने क्रममा देउवाले रुख नभएको ठाउँमा हँसिया हथौडा र कलममा भोट हाल्न निर्देशन दिए ।
अहिलेको गठबन्धन १२ बुँदे सहमति देखि गिरिजाप्रसाद कोइराला, पुष्पकमल दाहाल र माधव नेपालले सुरु गरेको र त्यहिबेला देखि सुरु भएको गठबन्धनले अहिले निरन्तरता पाएको उनले आश्वस्त पारेका छन् ।
स्थानीय निर्वाचनमा जस्तो अहिलेको चुनावमा कुनै दुबिधा नरहेको बताउँदै उनले कुनै पनि हालतमा गठबन्धनले जित्न आवश्यक रहेको बताए । अहिले टिकट नपाएका कार्यकर्तालाई आश्वासन दिँदै उनले भने, “गठबन्धनले जित्यो भने धेरै अवसर आउँछ । पार्टीमा हामी सबै मिलेका छौँ । ओलीजीले पनि गठबन्धन गरेका छन् । त्यसैले गठबन्धनलाई जिताउन लाग्नुस् ।”
