झापाको छुट्टा छुट्टै स्थानबाट प्रतिबन्धित लागुऔषध ब्राउन सुगर सहित ४ जनालाई प्रहरीले पक्राउ गरेको छ ।
इलाका प्रहरी कार्यालय दमक र प्रहरी चौकी केर्खाबाट खटिएको प्रहरी टोलीले कमल गाउँपालिका–३मा सवारी साधन चेक जाँचको क्रममा मे.५ प ९८१८ नम्बरको मोटरसाइकलमा सवार रहेका अर्जुनधारा नगरपालिक–९ झापाका २६ बर्षीय अजय माझी र २८ बर्षीय अर्जुन राजबंशीलाई १० ग्राम ब्राउन सुगर सहित पक्राउ गरेको छ ।
त्यस्तै झापाको अर्जुनधारा नगरपालिका–११ स्थित चिया बगाउन छेउबाट २१ ग्राम ब्राउन सुगर बरामद गरेको छ ।
अस्थायी प्रहरी पोष्ट बसपार्क बिर्तामोडबाट खटिएको प्रहरी टोलीले चिया बगाउन छेउमा संकित अवस्थामा रहेका अर्जुनधारा–११ का ३४ बर्षीय दिनेश दर्जी र ३८ बर्षीय राज कुमार कार्कीलाई सामान्य चेकजाँच गर्ने क्रममा उनिहरुको साथबाट लागुऔषधी बरामद भए हो । लागु औषधी भेटिएपछि उनीहरुलाई प्रहरीले पक्राउ गरेर अनुसन्धान सुरुगरेको छ ।
ब्राउन सुगर सहित पक्राउ परेका चारै जनाको थप अनुसन्धान भईरहेको जिल्ला प्रहरी कार्यालय झापाले जनाएको छ ।
