सुनसरीको छुट्टा–छुट्टै भएको दुर्घटनामा २ जनाको मृत्यु भएको छ भने १ जना गम्भिर घाइते भएका छन् ।
इटहरी–१७ पकली स्थित पूर्व पश्चिम राजमार्गमा पूर्वबाट पश्चिम जाँदै गरेको प्रदेश १–०२–०४३ प ९०८७ नं को मोटर साइकलले सोही दिशा तर्फ जाँदै गरेको ठेला लाई ठक्कर दिँदा ठेला चालक इटहरी १७ बस्ने वर्ष ४५ को तेज नारायण साहको बिहीवार मृत्यु भएको छ ।
मोटर साइकल चालक मोरङ बेलबारी–८ बस्ने वर्ष ४५ को विक्रम खड्काको टाउकोमा चोट लागेर गम्भीर घाइते भएका थिए । घाइते भएका खड्काको उपचारको लागी न्युरो अस्पताल विराटनगर पठाइएको छ । उनको टाउकोमा चोट लागेका कारण अवस्था गम्भीर रहेको प्रहरीले बताएको छ । घटनाका दुवै सवारी साधन नियन्त्रणमा लिई थप अनुसन्धान भइरहेको प्रहरीले जनाएको छ ।
सोही दिनको मध्यान्न १२ः४५ बजेको समयमा इनरुवा–५ दुहबी इनरुवा सडक खण्डमा नम्बर नखुलेको मोटरसाइकलले साइकललाई ठक्कर दिँदा बराहाक्षेत्र–८ साइकल यात्री वर्ष २७ को जीवन राउत गम्भीर घाइते भएका थिए । घइते राउतलाई उपचारको लागी जिल्ला अस्पताल इनरुवा पठाएकोमा उपचारको क्रममा मृत्यु भएको प्रहरीले जनाएको छ । ठक्कर दिने मोटरसाइकलको खोज कार्य भइरहेको प्रहरीले जनाएको छ ।
त्यसैगरी बिहीवार साँझ भोक्राहा नरसिंह–५ जनताचोक स्थित पुर्बपश्चिम राजमार्गमा पूर्वबाट पश्चिम तर्फ जाँदै गरेको ग ३ च ५५७६ नं को कारले सोही दिशा तर्फ जाँदै गरेको साइकल यात्रीलाई ठक्कर दिँदा साइकल यात्री भारत सुपौल बनौलि पञ्चायत बस्ने वर्ष ३५ को गुलाब मेहता गम्भीर घाइते भएका थिए । घइते मेहताको जिल्ला अस्पताल इनरुवामा उपचारको क्रममा उनको मृत्यु भएको प्रहरीले जनाएको छ ।
रुपन्देही सैनामैना ४ बस्ने वर्ष ५४ का कार चालक कृष्ण बहादुर रेग्मीलाई कार सहित नियन्त्रणमा लिएको जिल्ला प्रहरी कार्यालय सुनसरीले जानकारी दिएको छ । तिब्र गति भएका कारण दुर्घटना भएको प्रहरीको भनाइ रहेको छ ।
