पूर्वका प्रमुख २ जिल्ला झापा र मोरङमा भएकाे सवारी दुर्घटनामा २ जनाले ज्यान गुमाएका छन् ।
बिहीवार बिहान पौने १० बजेको समयमा कानेपोखरी गाउँपालिका–६ मा प्रदेश १–०२–००३ त १५७८ नम्वरको ट्रयाक्टर अनियन्त्रित भई दुर्घटना हुँदा एक जनाको मृत्यु भएको छ ।
ट्रयाक्टरका चालक कानेपोखरी–४ का ५० बर्षीय ज्ञान बहादुर लुङ्गेली मगर गम्भिर घाइते भएका थिए । घइते मगरलाई उपचारका लागि बि.पि.कोईराला स्वास्थ्य बिज्ञान प्रतिष्ठान धरान (घोपा) लगिएको थियो । उपचारको क्रममा मगरको घरानमा मृत्यु भएको छ । घटनाबारे थप अनुसन्धान भईरहेको मोरङ प्रहरीले जनाएको छ ।
त्यस्तै सोही दिनको बेलुका ६ बजेको समयमा शिवसताक्षी नगरपालिका–९को पुर्व पश्चिम राजमार्गमा बिर्तामोड (पूर्व) जाँदै गरेको मे. १ ख २३२१ नम्वरको यात्रुबाहक बसले बिपरित दिशा (पश्चिम) आउँदै गरेको प्रदेश १–०१–०१२ प ४९९६ नम्वरको मोटरसाईकललाई ठक्कर दिदा मोटरसाइकल चालक घाईते भएका थिऐ ।
दमक नगरपालिका–६ बस्ने बर्ष २३ का रोनि बोसको उपचारको क्रममा वि एण्ड सी अस्पताल बिर्तामोडमा मृत्यु भएको छ । मेचिनगर–१४ का बस चालक बिकाश राई सहित बसलाई प्रहरीले नियन्त्रणमा लिएर थप अनुसन्धान भईरहेको जिल्ला प्रहरी कार्यालय झापाले जनाएको छ ।
