झापामा रोकिराखेको सिटी सफारी गुडेर दुर्घटना हुँदा एक पुरुषको मृत्यु भएको छ । शिवसताक्षी १ धरमपुरमा मे १ ह ७२६० नम्बरको सिटी सफारी दुर्घटना हुँदा दमक ५ का ४८ वर्षीय रणबहादुर खड्काको मृत्यु भएको पूर्व क्षेत्रीय ट्राफिक प्रहरी कार्यालय इटहरीले जनाएकाे छ ।
सिटी सफारीबाट फर्निचरका सामान अनलोड गर्ने क्रममा एक्कासी सफारी गुड्दा दुर्घटना भएको प्रहरीले जानकारी दिएकाे छ । दमकबाट फर्निचरको सामान लिएर पुगेका उक्त सफारीबाट खड्काले सामान अनलोड गर्दै थिए । साेही समयमा एक्कासी सिटी सफारी गुडेर सफारी चालक खड्कालाई किचेको थियो ।
सिटीले किचेर बेहोस भएका उनको बिर्तासिटी अस्पताल बिर्तामोडमा पुर्याए पनि उनकाे उपचारको क्रममा मृत्यु भएको प्रहरीले जनाएको छ । घटनाबारे थप अनुसन्धान भइरहेको प्रहरीले जनाएको छ ।
