राष्ट्रिय स्वतन्त्र पार्टीले बिहीबार वाचा पत्र सार्वजनिक गर्ने भएको छ । बिहीवार नेपाल प्रज्ञा प्रतिष्ठान कमलादीमा बिहान ११ बजे वाचा पत्र (घोषणापत्र) सार्वजनिक गर्ने पार्टी सभापति रवि लामिछानेले जानकारी दिएका छन् ।
लामिछानेले आफूले हुन नसक्ने वाचा नभएको, गर्न सक्ने र गर्नैपर्ने साथै जनताले प्रत्यक्ष राहत पाउने र महसूस गर्ने वाचा पत्र लिएर आउने दाबी गरेका छन् ।
आफ्नो सामाजिक सञ्जाल ट्विटरमा सभापति लामिछानेले ट्विट गर्दै, ‘भोलि बिहीवार राष्ट्रिय स्वतन्त्र पार्टीको वाचा पत्र (बोलीचालीमा घोषणापत्र) सार्वजनिक गर्दैछौं । हुन नसक्ने वाचा होइन, गर्न सक्ने र गर्नै पर्ने अनि जनताले प्रत्यक्ष राहत पाउने र महसूस गर्ने वाचा पत्र लिएर आउँदैछौं ।
