आगामी मंसिर ४ गते हुने प्रतिनिधिसभा तथा प्रदेश सभा सदस्यको निर्वाचमा सम्पूर्ण मतदान कार्यलाई समावेशी, नैतिक एवम् अपाङ्गता मैत्री बनाउन निर्वाचन आयोगले निर्देश दिएको छ ।
समग्र निर्वाचनलाई समावेशी, नैतिक तथा अपाङ्गता मैत्री बनाउन आयोगले सदैव वकालत गर्दै आएको प्रमुख आयुक्त दिनेश कुमार थपलियाले बताएका छन् ।
मतदान अधिकृतहरुलाई निर्देशन दिने क्रममा आयुक्त थपलियाले सम्पूर्ण मतदान स्थललाई समावेशी तथा अपाङ्गता मैत्री बनाएर विशेष निगरानी गर्न निर्देशन दिएका छन् ।
मतदान सुरु गर्नुभन्दा अगाडी अपाङ्गता, सुत्केरी, जेष्ठनागरिक, विरामी, अशक्त लगायतका मतदाताहरुलाई सहज तथा पहुँचको सुनिश्चितता हुनेगरी मतदान स्थल निर्माण गर्न प्रमुख आयुक्त थपलियाले आग्रह गरेका छन् । उनीहरुको लागि सामान्य प्रकारको विश्राम स्थल निर्माण गरेर मतदाताहरुको उललेखनिय सहभागीता बनाउन निर्देशन दिएका छन् ।
त्यस्तै सबैको पँहुच हुनेगरी मतपेटीका मतदान स्थलमा राख्न र लक्षित वर्गका मतदाताहरुलाई आफ्नो मतदान भए पश्चात फर्किन पाउको अनुभुति गराउने प्रकारले मतदान स्थल बनाउन आयोगले अनुरोध गरेको छ ।
प्रमुख आयुक्त थपलियाले भने, “मतदान स्थलमा हुनुपर्ने न्यूनतम आवश्यक्ता पूरा भएको छ की छैन भन्ने सुनिश्चित गर्न साथै मतदातालाई कुनै प्रकारको समस्या भएको छ भने विशेष प्राथमिक्ताका साथ मतदानमा सहयोग गर्न मतदान अधिकृतहरुलाई अनुरोध छ ।”
यस पटकको निर्वाचनमा नियन्त्रीत तथा व्यवस्थित सवारीसाधन सञ्चालनको तयारी गरेको साथै लक्षित वर्गाहरुलाई मतदान स्थलसम्म जाने तथा फर्किने व्यवस्था गर्न निर्वाचन आयोगले जनाएको छ ।
