बुद्धशान्ति गा.पा.१ बुधबारे बजारमा सुन पसल संचालन गरी बस्दै आएका रघुनाथ मारुती गोरडले आफ्नै श्रीमती सपना गोरडको हत्या गरेका छन् ।
बिहीबार विहान ३ बजेको समयमा सामान्य विवादको क्रममा ३२ बर्षीय रघुनाथले आफ्नी २६ बर्षीय श्रीमती सपनालाई पानी खाने करुवाले टाउकोमा प्रहार गरेका थिए । करुवाको प्रहार गम्भिर भएकाले श्रीमती सपनाको घटना स्थलमै मृत्यु भउको इलाका प्रहरी कार्यालय बुधबारेले जनाएको छ ।
घटनाबारे जानकारी प्रप्त हुनासाथ करुवा प्रहार गर्ने श्रीमान रघुनाथलाई घटना स्थलबाट नै पक्राउ गरेको प्रहरीले जनाएको छ ।
पक्राउ परेका रघुनाथलाई घटनाबारे थप अनुसन्धान भैरहेको इलाका प्रहरी कार्यालय धुलाबारीले जनाएको छ ।
