आगामी ४ मंसिरमा हुने प्रतिनिधिसभा र प्रदेशसभा सदस्य निर्वाचनका लागि निर्वाचन सुरु हुनुभन्दा ७२ घण्टा अर्थात ३ दिन अघिदेखि नेपाल–भारत सीमा नाका बन्द गरिने भएको छ ।
निर्वाचनको सुरक्षा सम्बन्धी दुवै देशका सुरक्षा अधिकारीको बैठकले चुनावलाई शान्तिपूर्ण बनाएर भयरहित वातावरण सृजना गर्न तथा कुनै पनि किसिमका अनैतिक कार्यलाई कम गर्ने उद्देश्यका साथ ७२ घण्टा अगाडिबाट सीमा नाका बन्द गर्ने निर्णय गरेको हो ।
खुला सीमानाकाका कारण चुनावको बेला सुरक्षा चुनौती बढ्न सक्ने तथा निर्वाचनलाई असर पुग्ने किसिमका कार्य हुनसक्ने अनुमान गर्दै सुरक्षालाई थप कढाइका साथ पालना गर्दै निर्वाचन सुरक्षाका निम्ति उक्त कार्य गर्ने निर्णय भएको हो ।
उक्त समयमा कुनैपनि किसिमका नाका आवतजावतका कार्य नगर्न निर्वाचन सुरक्षा समितिले अनुरोध गरेको छ ।
