सुनसरी । चेक अनादर कसुरमा सुनसरी जिल्ला अदालत इनरुवाबाट मिति २०७९ साल जेष्ठ २७ गते दोशी करार भएकी तथा बैंकिङ्ग कसुर मुद्दामा मिति २०७९ साल असार १ गते उच्च अदालत बिराटनगर मोरङबाट दोशी ठहर भइ फैसला आदेश भएपश्चात फरार रहेकी पाेखरेललाई प्रदेश प्रहरी कार्यालय बिराटनगर (RIT) समुहको प्रहरी टोलीले पक्राउ गरेको हो ।
इटहरी उपमहानगरपालिका वडा नं. ९ बस्ने बर्ष ४४ की सिता कुमारी भेटवाल पोखरेल माथि बैकिङ कसुर मुद्दा र चेक अनादर मुद्दामा सुनसरी जिल्ला अदालत तथा उच्च अदालत बिराटनगरबाट दोशी ठहर भइकि थिइन् ।
पोखरेल माथि बैकिङ कसुर मुद्दामा उच्च अदालत बिराटनगर मोरङबाट ५ लाख रुपैया जरिवाना रहेको छ भने सुनसरी जिल्ला अदालत ईनरुवाबाट चेक अनादर मुद्दामा ३ महिना कैद, ३ हजार रुपैया जरिवान बेरुजु लगायत मुद्दा रहेको छ ।
दोशी ठहर भएपश्चात परार रहेकी पोखरेललाई गाँउघरबाटै लुकीछिपी बसेको अवस्थामा प्रहरीको टोलीले पक्राउ गरेको हो । उनलाई सुनसरी जिल्ला अदालतमा दाखिला गरेर कैद भुक्तानको लागि झुम्का कारागार पठाईएको १ नं. प्रदेश प्रहरी कार्यालयले जनाएको छ ।
